Bo nadal!!

Despois deste duro trimestre... felices festas a tod@s!! A ver se empezamos o 2010 con ganas e ilusión. Que vos traian moitas cousas aos que mellor vos portastes...

Ponte as pilas e mobilízate (2ª parte)

Segunda parte, ou dito doutro modo, "modalidade B". Toca agora recoller adecuadamente os envases (aos que lles corresponde o contedor amarelo), e o papel e cartón (aos que lles corresponde o contedor azul).

Como a esta modalidade se apuntaran só alumn@s de 3º e 4º, lémbrovos que:

rapazada de 4º......... grupo 1

rapazada de 3º ........ grupo 2

Cada contedor, situado na entrada principal do instituto, leva o seu panel que identifica o grupo que o utilizará. O concurso durará ata o final do curso académico, e será un xurado formado por compoñentes do concello quen revisará os contedores dos centros participantes de Camariñas, para comprobar cal conseguiu a máis abundante e mellor seleccionada cantidade destes materiais.

O premio ao que se optará esta vez será un microscopio binocular que se colocará no laboratorio de Ciencias da Natureza.

Como xa sinalamos na páxina web do centro, animamos a tódolos profes e alum@s de tódolos niveis a contribuír a este proxecto de recollida selectiva.

A orixe das especies

Un día como hoxe cúmprense 150 anos dende a publicación da obra de Charles Darwin, " A orixe das especies", na que senta as bases da selección natural, e defende que tódolos seres vivos temos unha orixe común.









Velaquí a única figura da obra: "a árbore da vida", precedido dun "I think..."

Parabéns!

Móstrovos o premio que recibiron os alumn@s de 3ºE.S.O. que participaran no concurso "Ponte as pilas e mobilízate".

Conseguiron recoller un total de 122,735 kg de pilas!! Felicidades, rapaces!!

Quixera destacar ademais o esforzo e a participación activa dos alumn@s do grupo de 3ºB.

Unha nova axudiña para os alumn@s de 4ºA

Replicación do ADN: a molécula de ADN duplícase, dando lugar a dúas moléculas idénticas.


Transcripción: cópiase o contido xenético do ADN a unha molécula de ARNm.


Tradución: a mensaxe xenética do ARNm é descodificada na linguaxe proteica (dos tripletes ou codóns do ARNm aos aminoácidos das proteínas).


Resumo: do ADN ás proteínas.

Papel e cartón

Comezamos a tomarnos en serio a recollida de papel e cartón. Dende as titorías nos esforzaremos por recoller selectivamente estes residuos, e vacialos no contedor correspondente situado na entrada principal do instituto.

Aquí tedes o enlace da páxina da usc que especifica o que se debe e non se debe depositar, espero que aclare as vosas dúbidas:

http://www.usc.es/plands/seccions/datos_plan/eixe2/xestion_residuos/xestion_nonperigosos/papel/campana/campapel_accions.htm

O documento en pdf ten por nome "Instrucións de utilización dos contedores".

A meiose

A mitose

Poñendo de menos...

Hoxe tiven unha visita das miñas ex-titorandas.

Grazas Sheila, Jenni e Sole por pasar polo centro. E grazas aos restantes ex-compoñentes de 4ºPDC do curso pasado, por facerdes que hoxe, en especial, vos puxese moito de menos.

Ponte as pilas e mobilízate!!

Os rapaces e rapazas de 4º ESO xa se están animando con este concurso proposto polo concello de Camariñas. Os grupos poden ser de ata 50 alumn@s como máximo, do mesmo ou distinto nivel. Podemos formar un único equipo representante do centro, ou varios se é que hai máis xente que se anote.
Polo de agora xa sodes 29. Tedes ata o día 6 para avisar ao departamento de Ciencias da Natureza se queredes participar. Ánimo!!!

Premio Fonseca 2009

O premio Fonseca 2009 recae este ano no científico James Ephraim Lovelock, autor da "Hipótese Gaia", e figura relevante no panorama das Ciencias Medioambientais. Dará unha conferencia o vindeiro martes 6 de outubro: "Climate change on a living planet". Non vola perdades!!

Volta ao cole!!

Última semana de vacacións... repoñede as pilas que hai que vir animados e con ganas, non sigades a actitude da pandilla de Mafalda.

Felices vacacións!!

A descansar eses cerebros durante o verán, que o disfrutedes como merecedes.
Para os de setembro, recordade que podedes acudir ao blog sempre que queirades consultar calquera dúbida.

Bo verán a tod@s!!

Cortes xeolóxicos 4º ESO

Para os alumn@s de 4ºA, que estarán repasando o exame do luns: déixovos os seguintes enlaces para que practiquedes a interpretación dos cortes xeolóxicos. Lembrade que debedes centrarvos exclusivamente no que demos na clase, xa que hai algúns cortes de maior complexidade, pois están pensados para un nivel de bacharelato:

http://www.ieslosremedios.org/~pablo/webpablo/web4eso/2procesosinternos/Cortes%20geologicos/CortesGeologicos.html


http://recursos.cnice.mec.es/biosfera/alumno/4ESO/tierra_cambia/historia_geologica/historia_geol.htm

Calquera dúbida, xa sabedes.

Final de curso

ÁNIMO MUCHACHOS!!

Nada está perdido... os que asisten ás miñas clases xa saben como segue.

Un último esforzo, que xa queda menos.

Aprendices de Gaudí na Costa da Morte

Auténticos artistas que xa fixeron os seus piniños en televisión...

A Terra do Xurés, 5ª Reserva da Biosfera en Galiza

E xa son cinco. Ademais das xa coñecidas (Terras do Miño, Allariz, Os Ancares, e Ría de Ribadeo), dende hoxe, tamén podemos incluír á rexión transfronteriza de Xurés-Gerês.

Excursión ás Illas Cíes

19 de Maio de 2009. Alumnos e alumnas de 2º, 3º, e 4º de E.S.O. visitaron o parque nacional marítimo terrestre das illas atlánticas de Galiza. Concretamente, disfrutaron da paisaxe das Cíes: illa do Norte ou Monteagudo, illa do Medio ou do Faro, e illa do Sur ou de San Martiño. Velaquí vos mostro as marabillosas vistas desta última, xunto ao Faro da Porta da illa do Medio.